بوچي ژن حه‌ز ناكه‌ن شوو ب زه‌لامێن ژ خوه‌ بچووكتر بكه‌ن

 

؟ 

كچ دياردكه‌ن كو وان دڤێت شوو ب زه‌لامێن ژ خوه‌ مه‌زنتر بكه‌ن، داكو د چاڤێ، هه‌ڤژينێ‌ خوه‌ دا مه‌زن بمينن، جڤاكناس ژي گه‌له‌ك ئه‌گه‌ران دبێژن كو دبنه‌ رێگر كچ شوو ب زه‌لامێن ژ خوه‌ بچووكتر نه‌كه‌ن وه‌كو، نه‌بوونا زارۆيان، ئه‌گه‌رێ، دليني و په‌يدابوونا خيانه‌كا هه‌ڤژينيێ‌، و سه‌ره‌راي كو ئايين ل گه‌ل وێ‌ چه‌ندێ‌ يه‌ كو هه‌تا 15 سالان ژي دروسته‌ ژن ژ هه‌ڤژينێ‌ خوه‌ مه‌زنتر بيت، به‌لێ‌ كچ رازي نابن و دكه‌نه‌ ئه‌گه‌ر بۆ هه‌لوه‌شيانا خێزانێ‌

 

 

 

كچه‌كا فه‌رمانبه‌ر سه‌ره‌راي كو ژيێ‌ وێ‌ گه‌هشتيه‌ 32 ساليێ‌ و هێشتا شوو نه‌كريه‌ دياركر كو، ب چ ره‌نگه‌كي ئه‌و ل گه‌ل وێ‌ چه‌ندێ‌ نينه‌ شوو ب كه‌سه‌كێ‌ ژ خوه‌ بچووكتر بكه‌ت هه‌تا هه‌كه‌ هه‌يڤه‌كێ‌ ژي ژ وێ‌ بچووكتربيت و گۆت: (ئه‌ز د مالا بابێ‌ خوه‌ دا هه‌ست دكه‌م يا مه‌زنم و من دڤێت شوو ب كه‌سه‌كێ‌ گه‌له‌ك ژ خوه‌ مه‌زنتر بكه‌م داكو ل پێش چاڤێن وي يا مه‌زن نه‌بم و ئه‌ز ژي هه‌ست بكه‌م هنده‌ك مرۆڤێن ژ من مه‌زنتر هه‌نه‌

).

هه‌روه‌سا دياركر كو، جوداهيا ژي نه‌ ئاريشه‌يه‌ د ناڤبه‌را هه‌ڤژينان دا، به‌لێ‌ هه‌كه‌ هه‌ڤدو قه‌بوولكرن و تێكگه‌هشتن هه‌بيت دێ‌ هه‌ڤژيني يا سه‌ركه‌فتي بيت و گۆتژي ره‌نگه‌ هنده‌ك هه‌بن گه‌له‌ك ژ زه‌لامێن خوه‌ مه‌زنتربن و ژيانه‌كا نورمال ببورينن، به‌لێ‌ من باوه‌ري ب ڤێ‌ چه‌ندێ‌ نينه‌ و هه‌ڤژيني ل ده‌ڤ من گرێداي پرچێ‌ سپي و شاره‌زاييا ژيانێ‌ يه‌

 

 

چڤاكناس تێلي سالح، رێڤه‌به‌رێ‌ رێكخراوا نوژين بۆ ديموكراتيكرنا خێزانێ‌ دياركر كو، گه‌له‌ك ئه‌گه‌ر هه‌نه‌ زه‌لام حه‌زناكه‌ن ژن ژێ‌ مه‌زنتر بيت و گۆت: يادروست بۆ كچێ‌ د ژيێ‌ 25ساليێ دا شوو بكه‌ت، كچ هه‌كه‌ مه‌زن بوو و شوو بكه‌ت، به‌لكو نه‌شێت زارۆيان بينيت، جونكو بۆ زارۆئينانێ‌ د ژيێ‌25 هه‌تا 35 ساليێ دا ئێدي ژنێ‌ زارۆ نابن، يانژي دێ‌ هه‌بن، به‌لێ‌ حازري نابيت زارۆيێ‌َ خوه‌ جوان ب خودان كه‌ت

 

 

تێلي سالح دياركر ژي كو، حه‌زا سێكسي ژي ل نك ژنێ‌ زوو كێم دبيت، جونكو د ژيێ‌ 45 ساليێ‌ دگه‌هيته‌ ژيێ‌ بێهيڤيبوونێ‌، به‌لێ‌ ل نك زه‌لامي گه‌له‌ك دمينيت هه‌تا 65 ساليێ‌ حه‌ز ياهه‌ي، له‌ورا زه‌لام حه‌ز ناكه‌ت ژن ژێ‌ مه‌زنتربيت، هه‌روسا لايه‌نه‌كێ‌ دي هه‌يه‌ ئه‌وژي چڤاكێ‌ كوردستاني حه‌ژ زارۆيان دكه‌ن، هه‌كه‌ كچ گه‌له‌ك يامه‌زنتربيت، به‌لكي زارۆيان نه‌ئينيت، ده‌ما كچێ‌ دخوازن حه‌ زدكه‌ن كچ يابچووك بيت، يانژي هه‌كه‌ هزرێن وان نه‌ وه‌كي ئێك بن هزرێن وان ژێك مه‌زنتربن، به‌لكي ئه‌ڤه‌ هه‌موو نه‌بنه‌ ئاريشه‌ كچ ژ كوري مه‌زنتر بيت و ژيانه‌كا به‌خته‌وه‌ر پێكڤه‌ ببورينن

 

 

 

 

فه‌رمانبه‌ره‌كا دي دياردكه‌ت كو، ژ به‌ر كو دێ‌ خه‌لك گه‌له‌ك ئاخفتنا بێژن، له‌ورا حه‌ز ناكه‌ت هه‌ڤژينێ‌ وێ‌ ژ وێ‌ بچووكتر بيت، فه‌هيما كو ل ده‌زگايه‌كێ‌ ساخله‌ميێ‌ كاردكه‌ت گۆت: (مێشكێ‌ ژنێ‌ به‌ري مێشكێ‌ زه‌لامي وه‌رارێ‌ دكه‌ت و باشتره‌ زه‌لام ژ هه‌ڤژينا خوه‌ مه‌زنتر بيت داكو تێكگه‌هشتن د ناڤبه‌را وان دا هه‌بيت و يا زانا ژي ئه‌وه‌ كو نيشانێن پيراتيێ‌ ژ ژنێ‌ زووتر ژ زه‌لامي دياردكه‌ن و هه‌كه‌ مه‌زنتر ژي بيت، نه‌دووره‌ ببيته‌ ئه‌گه‌ر زه‌لام ژنا دوێ‌ بينيت

 

 

فه‌هيمايێ‌ ته‌ئكيد ژي كر كو، پێدڤيه‌ هه‌موو ده‌مان زه‌لامي ديتنا خوه‌ د مال دا هه‌بيت و هه‌كه‌ ژن مه‌زنتر بيت ره‌نگه‌ ره‌ئيا خوه‌ ب سه‌ر يا وي بێخيت و هه‌ست بكه‌ت كو كه‌سايه‌تيا وێ‌ بهێزتره‌، هه‌روه‌سا ئه‌ڤه‌ گرێداي بابه‌تێن ده‌رووني ژي يه‌

 

 

ڤه‌كۆله‌رێ‌ جڤاكي( احمد ئيسماعيل) ب رێكا ئيمێلي ل وه‌لاتێ‌ مسرێ‌ پشكداري د بابه‌تي دا كر و گۆت: (نها يا زانا د ناڤ خه‌لكي دا ئه‌وه‌ كو ئه‌و ژنا ژ زه‌لامێ‌ خوه‌ مه‌زنتر دێ‌ تووشي كومه‌كا ئاريشه‌يان بيت، ژوان ژي نه‌ پێكڤه‌

گونجانا دلينيێ‌ يا زه‌لامي هه‌كه‌ بچووكتر بيت و دياركر ژي كو، ژ به‌ر كو دلينيا زه‌لامي دره‌نگتر ژ يا ژنێ‌ پێك دگه‌هيت، له‌ورا ژن دێ‌ وه‌ستيانێ‌ بينيت و ئه‌و ژ ئاليێ‌ خوه‌ ڤه‌ يا جێگيره‌، به‌لێ‌ زه‌لام نه‌ وه‌سانه‌ و ئه‌ڤ چه‌نده‌ نه‌ ئاراميێ‌ ل نك ژنێ‌ په‌يدادكه‌ت هه‌كه‌ مه‌زنتر بيت كو نه‌دووره‌ هه‌ڤژينێ‌ وێ‌ خيانه‌تێ‌ لێ‌ بكه‌ت، شووكرنا كچێ‌ بۆ زه‌لامه‌كێ‌ بچووكتر هه‌ر وه‌كو ئه‌و كچ ژيانا خوه‌ دئێخيته‌ دمه‌ترسيێ‌ دا و نزانيت ل پاشه‌رۆژێ‌ دێ‌ هه‌ڤژينێ‌ وێ‌ چاوا سه‌ره‌ده‌ريێ‌ كه‌ت

 

 

به‌لێ‌ مه‌لا ئيسلام ب مه‌سه‌له‌يه‌كا شه‌رعي نابينيت كو ژن يا خه‌له‌ت بيت هه‌كه‌ شوو ب زه‌لامه‌كێ‌ ژ خوه‌ بچووكتر بكه‌ت و گۆت: (پرۆسا هه‌ڤژينيێ‌ گرێداي هه‌ڤبه‌ستا وانايه‌ و هه‌كه‌ ب هه‌ڤدو درازي بن دروسته‌، به‌لێ‌ دبێژن هه‌كه‌ هه‌فكيفێت ئێك بن ژ ئاليێ‌ ژي يان نه‌سه‌بي ڤه‌ وێ‌ گاڤێ‌ زه‌لامي حه‌قێ‌ هه‌ي نه‌رازي بيت ژن ژێ‌ مه‌زنتربيت، هه‌روه‌سا كچ ژي دشێت نه‌ رازي بيت هه‌كه‌ زه‌لام ژێ‌ مه‌زنتربيت و مه‌لا ئيسلام دياركر ژي كو ژ ئاليێ‌ شه‌رعي ڤه‌، دروسته‌ 15 سالان ژن يامه‌زنتر بيت

 

 

مه‌لا حسێن يوسف مارونسي زانايێ‌ ئايني بووچونه‌كا دي هه‌بوو ده‌مێ‌َ دياركري كو، د چڤاكێ‌ مه‌ يێ‌ كه‌ڤن دا ئه‌ڤ ديارده‌ گه‌له‌ك يا نورمال بوو كو زه‌لام ژنه‌كا ژ خوه‌ مه‌زنتر بينيت، به‌لێ‌ نها ئه‌ڤ ديارده‌ يا به‌ر ب نه‌مانێ‌ ڤه‌ دچيت و گۆت: (تشته‌كێ‌ گه‌له‌كێ‌ ئاسايي يه‌ زه‌لام ژنه‌كا ژ خوه‌ مه‌زنتربينيت و به‌لگه‌ ل سه‌ر ڤێ‌ چه‌ندێ‌ ل دينێ‌

ئيسلامێ‌ دا كو(البخاري، كتاب النكاح) هاتيه‌ دياركرن كو، پێغه‌مبه‌ري (ص)خه‌ديجه‌ ماركر ل ژيێ‌ (25) ساليێ‌ دا و ژيێ‌ خه‌ديجايێ‌ نێزيكي (50) سالابوو. ودگه‌له‌ك بوارادا هاريكاريا بێغه‌مبه‌ري (س) كر و ژ به‌ر ڤێ‌ چه‌ندێ‌ ئه‌و كه‌سێن ب جاڤه‌كێ‌ سه‌ير به‌رێخودانێ‌ ڤێ‌ دياردێ‌ هزرا وان يا دووره‌ ژ مێشكێ‌ وان و د شاشن، چونكو زه‌لام پتر گوهێ‌ خوه‌ دده‌نه‌ ژنا خوه‌ ژ دايكا خوه‌، ئه‌ڤجا هه‌كه‌ ژن يا مه‌زنتر بيت، چ پێ‌ نه‌ڤێت دێ‌ هزرا وێ‌ يا به‌رفره‌هتر بيت و دێ‌ شێت گه‌له‌ك كارتێكرنێ‌ ل زه‌لامێ‌ خوه‌ بكه‌ت و رێيێن ژيانێ‌ نيشاده‌ت كو ژيانا خوه‌ باشتر ب رێڤه‌ ببه‌ن

 

 

 

دل پيسيا هـه‌ڤژينان ب سه‌دان خێزان هـه‌لوه‌شاندينه

 

 

دل پيسي نه‌خۆشيه‌كا ده‌رووني و دومدرێژ و ب مه‌ترسي يه‌ ل سه‌ر جڤاكي و گه‌له‌ك جاران گه‌هـشتيه‌ راده‌يێ‌ په‌يدابوونا ئاريشه‌يان و كوشتنێ‌ ژي، ژ بۆ ڤێ‌ يه‌كێ‌ ڤه‌كۆله‌رێن جڤاكي دبێژن: پێدڤيه‌ سه‌نته‌رێن تايبه‌ت بهـێنه‌ ڤه‌كرن بو گوهـۆرينا وان كه‌سين تووشي دل پيسيا هـه‌ڤژينيێ‌ دبن

 

 

سالم الحكيم نوژدارێ‌ نه‌خۆشيێن ده‌رووني و به‌رپرسێ‌ پشكا نه‌خۆشين ده‌رووني ل نه‌خۆشخانه‌يا ئازادي دياركر كو، دل پيسي نه‌خۆشيه‌كا ده‌رووني و دومدرێژ و گه‌له‌ك ب مه‌ترسي يه‌، ژ به‌ر كوشتن ژێ‌ په‌يدادبيت و به‌ري چه‌نده‌كێ‌ ژ ئه‌نجامێ‌

دل پيسيێ‌ زه‌لامه‌كي سێ‌ زارۆيێن خوه‌ و هـه‌ڤژينا خوه‌ كوشتن و ل دووماهـيي ئه‌وي خوه‌ ژي كوشت بۆ ئه‌ڤرۆ گۆت: (دل پيسي پله‌نه‌، ئه‌و ژي يا ئێكێ‌ ناڤنجي يه‌ و يا دويێ‌ توندوتيژيه‌ و يا هـه‌ي ژي ب پله‌يا توندوتيژيا مه‌ترسيدار ده‌مێ‌ كو رێژا دل پيسيێ‌ دگه‌هـيته‌ 8% ل نك زه‌لامي و دبيته‌ ئه‌گه‌رێ‌ په‌يدابوونا كوشتنێ‌ د ناڤ خێزانێ‌ دا و ره‌نگه‌ زه‌لام زارۆيێن خوه‌ يان هـه‌ڤژينا خوه‌ بكوژيت و وه‌سا هـزر بكه‌ت كو زارۆ نه‌ ژ وي نه‌ يان هـه‌ڤژينا وي خيانه‌تي لێ‌ دكه‌ت

 

 

ناڤهـاتي پتر دياركر كو، د پله‌يا ناڤنجي دا هـزر هـه‌رده‌م د سه‌رێ‌ زه‌لامي دايه‌ و به‌رده‌وام دووڤچوونێ‌ ل سه‌ر هـه‌ڤژينا خوه‌ دكه‌ت و ب گومان دگه‌ڤيت ژ هـه‌ڤژينا خوه‌ و گۆت: (ئه‌ڤه‌ چه‌نده‌ وه‌ل ژنێ‌ دكه‌ت كو هـزرێن به‌ردانێ‌ يان كوشتنا خوه‌ بكه‌ت، د ڤي حاله‌تي دا گه‌له‌ك بزاڤێن دووماهـي ئينانێ‌ ب ژيانا خوه‌ دكه‌ت، چونكو يا بێزار بووي ژ ره‌فتارێن زه‌لامي و نه‌ڤيت ئێدي هـه‌ڤژينێ‌ خوه‌ ببينت

 

 

تايبه‌تمه‌ندێ‌ نه‌خۆشيێن ده‌رووني ئاماژه‌ كره‌ وێ‌ چه‌ندێ‌ كو، گه‌له‌ك حاله‌ت په‌يدابووينه‌ ژنێ‌ سه‌ره‌دانا مه‌ يا كري و دبيژن، ئه‌م گه‌له‌ك سووند دخووين كو چوو كارێن خراب مه‌ نه‌كرينه‌، لێ‌ هـه‌ر زه‌لامێ‌ من باوه‌ر نه‌كرييه‌، ئه‌ڤجا ئه‌ز حه‌ز دكه‌م چيروكه‌كێ‌ ژ قه‌ستان بۆ خوه‌ دروست بكه‌م، به‌لكو من به‌رده‌ت

 

 

قادر كه‌سه‌كێ‌ كريكاره‌ ل دهـۆكێ‌ دژيت دياركر كو، هـه‌ر ده‌مێ‌ ئه‌ز ژ مال ده‌ردكه‌ڤم، پشتي بورينا نيڤ ده‌مژمێري دێ‌ هـه‌ڤژينا من ته‌له‌فووني كه‌ت و دێ‌ بێژيت تو ل كووڤه‌يي و كي ل گه‌ل ته‌يه‌ و گۆت: (راستي هـه‌ڤژينا من گه‌له‌ك هـزرێن شاش ژ من دكه‌ت ب تايبه‌تي ده‌مێ‌ ئه‌ز دمينم هـه‌تا ده‌رنگي ب شه‌ڤ ل گه‌ل هـه‌ڤالان

 

 

نوژدارێ‌ ناڤبري زێده‌تر ئاشكراكر كو، زه‌لامێن دل پيس يان ژنێن دل پيس ده‌رمانان ناخوون، لێ‌ هـه‌كه‌ حاله‌ته‌كي گه‌له‌ك ب هـێز بيت ل نك زه‌لامي، ئه‌م ئامۆژگاريان ل ژنێ‌ دكه‌ين كو بچيته‌ دادگه‌هـێ‌ و داخوازا به‌ردانێ‌ بكه‌ت به‌ري بهـێته‌ كوشتن ژ ئاليێ‌ زه‌لامێ‌ خوه‌ڤه‌

 

 

به‌رپرسي پشكا نه‌خۆشين ده‌رووني ل نه‌خۆشخانا ئازادي گۆت: ئه‌گه‌رێن دل پيسيێ‌ گه‌له‌كن، ئه‌و ژي ژ ئه‌نجامێ‌ نه‌خۆشيا شيزوفرينايێ‌ ره‌نگه‌ په‌يدابيت نه‌خاسمه‌ ئه‌و زه‌لامێن گه‌له‌ك مه‌يێ‌ بكاردئينن و هـنده‌ك جاران (صرع) ژي دبيته‌ ئه‌گه‌ر بۆ په‌ێدابوونا دل پيسيا هـه‌ڤژينيێ‌

مه‌حمود ئه‌حمه‌د ڤه‌كۆله‌رێ‌ جڤاكێ‌ ل چاكسازيا مه‌زنان ل دهـۆكێ‌ دياركر كو، د ناڤ جڤاكێ‌ مه‌ دا گه‌له‌ك حاله‌تێن به‌ردانێ‌ ژ به‌ر دل پيسيێ‌ په‌يدادبن، ئه‌و ژي ده‌مێ‌ زه‌لام و ژن باوه‌ريێ‌ ب ئێكدو نه‌ئينن و هـه‌ر ب گۆمان بن ل گه‌ل ئێك، دێ‌ ئاريشه‌يێن مه‌زن يێن جڤاكي ژێ‌ دروستبن و گوتكوتكيێ‌ كارتيكرنا خوه‌ ل سه‌ر مێشكێ‌ زه‌لامي و ژنێ‌ هـه‌يه‌ ئه‌و ژي دبيته‌ ئه‌گه‌رێ‌ روودانا دل پيسيێ‌، ژ به‌ر ڤێ‌ يه‌كێ‌ پێدڤيه‌ سه‌نته‌رێن تايبه‌ت بهـێنه‌ ڤه‌كرن بو گوهـۆرينا وان كه‌سێن تووشي دل پيسيێ‌ دبن

 

 

 

چ پێدڤيه‌ د ماوێ دوگيانيێ دا بهـێته‌ كرن؟

هـه‌كه‌ ژنێ بڤێت دوگيانيا خۆ ب شێوه‌يه‌كێ سه‌ركه‌فتي‮ ‬ببۆرينيت و چو ئاريشه‌ ژێرا په‌يدا نه‌بن،‮ ‬پێدڤيه‌ ل دووڤ ڤان خالێن ل خوارێ دياركري‮ ‬بچيت‮:‬

 

‬پێدڤيه‌ ته‌ڤاڤيا خۆ ژ بێهـنڤه‌دان و خوارنێ وه‌ربگريت‮.‬     1

  

‮❊ ‬هـه‌ر ژ ده‌ستپێكا په‌يدابوونا نيشانێن دوگيانيێ هـه‌يڤانه‌ جاره‌كێ سه‌ره‌دانا نۆشدارا تايبه‌تمه‌ند بكه‌‮.‬

 

‮❊ ‬ب ئێكجاري‮ ‬خۆ ژ جگاره‌كێشانێ دوور بكه‌‮.‬

 

 

 

‮❊ ‬هـه‌موو ڤاكسينێن پێدڤي‮ ‬دده‌مێ دوگيانيێ دا وه‌ربگره‌‮.‬

 

 

‮❊ ‬رۆژان ب كێماتي‮ ‬8‮-01‬ كوپێن ئاڤێ ڤه‌خۆت‮.‬

 

 

‮❊ ‬ترشياتيێ فۆليك ب رێيا خوارنا پرته‌قال و گوندۆر و زه‌رزه‌واتێن به‌لگ‮ ‬كه‌سك بۆ له‌شێ خۆ دابين بكه‌ت‮.‬

 

 

 

 

‮❊ ‬خوارنێن پڕي‮ ‬ئاسن وه‌كو فاسوليا و تري‮ ‬و فسته‌ق و بنده‌قان بخوت‮.‬

 

 

‮❊‬ بهـێلت ئاستێ شه‌كرێ د خوينا ته‌دا‮ ‬يێ پاراستي‮ ‬بيت ئه‌و ژي‮ ‬ب رێيا خوارنێن تووركري‮ ‬ب پروتين وه‌كو نان و برنج و پتات و په‌نير‮.‬

 

 

‮❊‬ چ ده‌رمانان بێي‮ ‬شيره‌تا نوژداري‮ ‬ب كار نه‌ئينت‮.‬

 

 

‮❊‬ تێر بنڤه‌ و بلا ب رۆژێ ژي‮ ‬بۆ ده‌مه‌كێ بنڤت‮.‬

 

 

‮❊‬ بۆ ده‌مێن درێژ نه‌چيته‌ جهـێن گه‌له‌ك گه‌رم‮.‬

 

 

‮❊ ‬هـه‌كه‌ تو گه‌له‌ك حه‌ز ژ ڤه‌خوارنا قه‌هـوێ دكه‌ي،‮ ‬د ماوێ دوگيانيێ دا كێم بكه‌‮.‬

 

 

‮❊‬ هـه‌كه‌ د خێزانا وه‌ دا نه‌خۆشيێن بۆماوه‌ي‮ ( ‬زكماكي‮) ‬هـه‌بن گه‌له‌ك باشتره‌ تو ده‌ست ب پشكنينێن جيني‮ ‬بكه‌ي‮ ‬ژ بۆ سلامه‌تيا سوريلانكي‮ ‬د مالبچووكي‮ ‬دا‮.‬

 

 

‮❊‬ ژ بۆ ژيانه‌كا ئارام ژ بۆ زاروكێ وه‌‮ ‬يێ نوو،‮ ‬باشتره‌ پلانه‌كا رێكخستي‮ ‬د مالا خۆ دا ب دانن‮.‬

    

 

‮❊‬ ژ بۆ ژيانه‌كا ئارام ژ بۆ زاروكێ وه‌‮ ‬يێ نوو،‮ ‬باشتره‌ پلانه‌كا رێكخستي‮ ‬د مالا خۆ دا ب دانن‮.‬

 

 

‮❊‬ به‌ري‮ ‬زارۆك بهـێته‌ ل سه‌ر دونيايێ باشتره‌ جهـه‌كي‮ ‬ل مال بۆ دانانا وي‮ ‬ده‌ستنيشان بكه‌ن‮.‬

 

 

 

‮❊‬ خۆ ژ بۆياغێن پرچێ و هـه‌ر چاره‌سه‌ريه‌كا كيمياوي‮ ‬دوور بكه‌‮.‬

 

 

 

‮❊‬ ئه‌و پرتووكێن پێزانين ل دۆر دوگيانيێ تێدا هـه‌بن باش بخوينن‮.‬