كچ يان كوڕ پتر چاڤدێريا دايك و بابان دكه‌ن؟

Ferhad û Bèrîvan 18-3-2011
Ferhad û Bèrîvan 18-3-2011

 

 

  

ئه‌و دايك و بابێن پشتي كوڕ و كچێن خوه‌ ب خێزان و مال دئێخن، ئێدي پشتي دانعه‌مر دبن دميننه‌ ب تنێ‌ و بێ‌ خودان و پتر كچ خوه‌ لێ‌ دكه‌نه‌ خودان، شاره‌زايێن د وارێ‌ جڤاكي دا دياركرن كو، دلوڤاني و هـه‌ستا كچێ‌ گه‌له‌ك ژ يا كوڕي نازك و مرۆڤاتي تره‌، ژ به‌ر هـندێ‌ گه‌له‌ك ژ وان قوربانيێ‌ ب ژيانا خوه‌ دده‌ن و ب ئه‌رك دبينن چاڤدێريا دايك و بابێن خوه‌ بكه‌ن

 

 

 

 

سانيا دايكا هـه‌شت زارۆيايه‌ و ره‌وشا وێ‌ يا ئابووري يا به‌رته‌نگه‌ بۆ ئه‌ڤرۆ دياكر كو، پشتي دايك و بابێن وێ‌ ماينه‌ ب تنێ‌ د خاني ڤه‌ و كوڕان ژي ئه‌و ب خودان نه‌كرين، ئه‌وێ‌ ب ئه‌رك زانيه‌ و بێ‌ مه‌رج دايك و بابێن خوه‌ ب خودان بكه‌ت و گۆت: (د سه‌ر ڤان حالان را گه‌له‌ك جاران برايێن من ئه‌زيه‌تا من كريه‌، چونكو گۆتنێن خه‌لكي كارتێكرنێ‌ ل سه‌ر ئه‌وان دكه‌ن

 

 

 

ديسا ژ زاخو ژي كه‌ريم محه‌مه‌د پشتي كو بابێ‌ خوه‌ ژ مال كري ده‌ر دياركر كو، ئه‌وي ژ به‌ر كاروبارێن خوه‌ يێن تاكي و خێزانێ‌ گرنگي ب بابێ‌ خوه‌ نه‌دايه‌ و گۆت: (پشتي خووشكا من ژ ده‌رڤه‌ي وه‌لاتي دزڤڕي، نهـا ئه‌و بابێ‌ من ب خودان دكه‌ت

 

 

 

ل دۆر هـه‌مان بابه‌ت دانعه‌مره‌كێ‌ خودان چوار كوڕ ئاشكرا كر كو، هـه‌ر ئێك ژ كوڕێن وي ژ به‌ر هـه‌ڤژينێن خوه‌ بڕيار دايه‌ ئه‌وان ب خودان نه‌كه‌ت، نه‌خاسمه‌ پشتي هـه‌ڤژينێن وان گوتي كو ئه‌و ب كه‌يفا خوه‌نه‌ كه‌نگي خه‌سووي و خه‌زيرێن خوه‌ بينن ل نك خوه‌ و گۆت: (نهـا ئه‌ز و هـه‌ڤژينا خوه‌ ل نك كچا خوه‌ينه‌ هـه‌ر چه‌نده‌ كچا مه‌ يا د ژيێ‌ 40 سالي دا و دو زارۆ ژي هـه‌نه‌، لێ‌ ئه‌و گه‌له‌ك دلۆڤانيێ‌ ب مه‌ دبه‌ت و ناهـێليت ب تنێ‌ ب ژين

 

 

 

ل ڤێره‌ تايه‌بتمه‌ندێ‌ د وارێ‌ جڤاكي دا فه‌هـمي سه‌لمان دياركر كو، ئه‌گه‌رێ‌ سه‌ره‌كي يێ‌ پشتگۆهـ هـاڤێتنا دايك و بابان پتر د زڤڕيت بۆ ئه‌گه‌رێ‌ په‌يوه‌نديێن جڤاكي و گۆت: ( نهـا پتريا خه‌لكێ‌ مژوولي ژيارا خوه‌ نه‌ يا تاكي و خێزاني، ديسا ته‌كنۆلۆژيايێ‌ ژي رۆله‌كێ‌ به‌رچاڤ ئينايه‌ د دووركرنا مرۆڤانيێ‌ دا و پتر ب رێيێن كوڕت وه‌ك موباييل و ئه‌نترنێتێ‌ په‌يوه‌ندي دهـێنه‌كرن و ئه‌ڤ چه‌نده‌ دبيته‌ ئه‌گه‌ر كو ده‌مێ‌ كه‌س ب سه‌ر كه‌سێ‌ ڤه‌ نه‌چيت گه‌له‌ك ب سرۆشتي دهـێته‌ هـه‌لسه‌نگاندن

 

 

 

ل دۆر گۆتنا ناڤبري ئه‌ياد حكمه‌ت شاره‌زايێ‌ دياركر كو، نهـا په‌يوه‌نديێن مرۆڤانيێ‌ لاواز بووينه‌ و ده‌مێ‌ دايك و باب ژي ل پشتگۆهـ بهـێنه‌ هـاڤێتن عه‌يال چو شه‌رم ژ ده‌وروبه‌ران ناكه‌ن. ژ ئاليه‌كێ‌ ديڤه‌ سومه‌يا سه‌عيد تايبه‌تمه‌ندا جڤاكي دياركر كو، هـه‌بوونا بنگه‌هـه‌كي بۆ پيران ل دهـوكێ‌ گه‌له‌ك يا پێدڤي يه‌ و گۆت: (حكوومه‌ت ب به‌هـانه‌يا هـندێ‌ دايه‌ كو برنا دانعه‌مرێن بێ‌ خودان بۆ بنگه‌هـێ‌ پيران نه‌ ژ ه‌روشت و داب و نه‌ريتێن مه‌نه‌

 

 

 

ناڤبريێ‌ هـێشتا ئاشكرا كر كو، دانعه‌مر هـه‌نه‌ قه‌ستا بنگه‌هـێ‌ نه‌وا يێ‌ حه‌واندنا ئافره‌تان دكه‌ن ب مه‌ره‌ما چاڤدێريا وان بهـێته‌كرن، چونكو خێزانێن وان ب خودان ناكه‌ن و گه‌له‌ك ژ وان دانعه‌مران ژي كچ ژي نينن و دمينن بێ‌ خودان. هـه‌ر د

 

ئاوايه‌كێ‌ ديدا ئه‌ياد حكمه‌ت دبێژيت: كچ پتر د جڤاكێ‌ مه‌دا ئاگه‌هـ ژ ئاريشه‌يێن خێزانێ‌ و زارۆيان هـه‌يه‌، ئه‌ڤجا ئه‌و پتر رێزگرتنێ‌ ل دايك و بابان دكه‌ت و هـه‌ست ب د لۆڤانيا وان دكه‌ت، ژ به‌ر ڤێ‌ يه‌كێ‌ ئه‌ڤ چه‌نده‌ دبنه‌ هـانده‌ر كو د سه‌ر هـه‌ر ئاسته‌نگه‌كێ‌ را ئه‌وان ب خودان بكه‌ت، لێ‌ گه‌له‌ك جاران هـه‌ڤژينێ‌ وێ‌ دبيته‌ رێگر ب تايبه‌ت، ده‌مێ‌ ئه‌و هـه‌ڤژين نه‌ نياسێن ئێك بن و گه‌له‌ك جاران ژي ئاريشه‌ د ناڤبه‌را وان دا چێدبن سه‌را ب خودانكرنا دايك وبابان

 

 

 

ب په‌يوه‌نديا هه‌ڤژينيێ ئازاديا ده‌ركه‌فتنێ و تێكه‌ليێ ل گه‌ل هه‌ڤالان دهێته‌ ژ ده‌تسدان